La empresa d'economía del datu, Galeo Tech, va instalase nel antiguu xalé de Radio Vetusta  

Especializada nel desenvolvimientu de plataformes dixitales pa firmes como Repsol, Michelin, Ferrovial, Banco Santander o Cepsa

La empresa tecnolóxica Galeo Tech, va tener sede n'Uviéu primero qu'acabe l'añu. Según l'alcalde d'Uviéu, Alfredo Canteli, que participó güei nel actu de presentación, va allugase nel antiguu xalé de Radio Vetusta, y dempués, si siguen creciendo, la intención ye que se tresllade al Calatrava.

Galeo Tech, creada en 2018 por tres asturianos, ta especializada n'economía del datu y nel desenvolvimientu de plataformes dixitales pa firmes como Repsol, Michelin, Ferrovial, Banco Santander o Cepsa.

N'Asturies trabaya yá con empreses como Capsa, y ente los sos oxetivos tán nuevos sectores como la industria de Defensa. Anguaño cunten con siete trabayadores na rexón, pero la so intención ye siguir creciendo.